Labarai - Manhaja - Blueprint Hausa version

05 Nov

Gwamnati ta ƙi biyan kishiyar ASUU duk da ƙin shiga yajin aiki

EditorLabarai

Daga MAHDI M. MUHAMMAD Sabuwar ƙungiyar CONUA da aka yi wa rajista domin ta zama kishiyar Ƙungiyar Malaman Jami’o’i (ASUU) ta koka kan rashin biyan albashin mambobin ƙungiyar duk da ƙin shiga yajin aikin da ƙungiyar ASUU ta dakatar. Idan za a iya tunawa, Gwamnatin Tarayya a ranar Talata, 4 ga Oktoba, 2022, ta yi rajistar ƙungiyoyin malaman jami'a guda biyu da suka haɗa da; 'Congress of Nigerian Universities Academics' (CONUA) da 'National Association of Medical and Dental Academic' (NAMDA). An yi rajistar ƙungiyoyin biyu kafin ASUU ta dakatar da yajin aikin da ta shafe watanni takwas tana yi a…

05 Nov

Buhari da Paul Biya sun ƙaddamar da gadar da ta haɗa tsakanin iyakokin Nijeriya da Kamaru

EditorLabarai

Daga AMINA YUSUF ALI Shugaban ƙasar Nijeriya Muhammadu Buhari ya ƙaddamar da sabuwar gadar da aka gina a tsakanin iyakokin Nijeriya da ƙasar Kamaru. An gina gadar ne a kan zunzurutun kuɗi har Naira biliyan 19.3, wato dai-dai da Dalar Amurka miliyan 44. A ranar Alhamis ɗin da ta gabata ne dai Buhari da takwaransa na ƙasar Kamaru, Paul Biya, suka haɗa gwiwa suka ƙaddamar da gadar ta Ekok/Mfum mai tsahon kilomita 1.5 da kuma tashar kasuwanci a bodar dukka a garin Mfun, na Jihar Kuros Ribas. Shugaba Buhari, wanda ya samu wakilcin Ministan harkokin ƙasashen waje, Zubairu Dada, wanda…

05 Nov

An kashe mutane shida a wani hari da ‘yan bindiga su ka kai a Jihar Kogi

EditorLabarai

Daga SANI AHMAD GIWA a Abuja An kashe mutane shida a yankin Akpanya da ke Ƙaramar Hukumar Igala Mela/Odolu a Jihar Kogi lokacin da wasu 'yan bindiga da ake kyautata zaton daga jihohi makwabta ne su ka mamaye garin. Wani ganau ya bayyana cewa lamarin ya faru ne da yammacin ranar Lahadi a unguwar Akpanya da ke kan iyakar jihohin Kogi da Enugu. Majiyar ta bayyana cewa varayin, waɗanda yawansu ya haura 30, sun zo ne a cikin motocin safa, inda suka yi ta harbe-harbe a cikin garin, lamarin da ya sa mazauna garin suka shiga wani mawuyacin hali. Daily…

05 Nov

Canja fasalin Naira: Mu na sa ido kan wasu gwamnoni da ke yunƙurin biyan albashin ma’aikata a hannu – EFCC

EditorLabarai

Daga SANI AHMAD GIWA a Abuja Hukumar EFCC mai yaƙi da cin hanci da rashawa a Nijeriya ta ce tana sa ido kan gwamnonin ƙasar uku sakamakon yunƙurinsu na halasta kuɗin haram da biliyoyin kuɗin da suka tara ta hanyar biyan ma'aikata albashi a hannu maimakon ta banki. Shugaban EFCC Abdulrasheed Bawa ya faɗa wa jaridar Daily Trust cewa dakarunsa za su ci gaba da kai samame kan 'yan canji game da zargin ɓoye Dalar Amurka wanda hakan ke sa darajarta na hauhawa. Duk da cewa Bawa bai faɗi sunan gwamnonin ba, ya ce biyu daga cikinsu daga Arewacin Nijeriya…

05 Nov

Wike ya ƙara yawan masu yi masa hidima zuwa 200,000

EditorLabarai

Daga WAKILINMU Gwamnan Jihar Ribas, Nyesom Wike, ya ƙara yawan waɗanda suke yi masa hidima daga mutum 100,000 zuwa 200,000. Wike ya bayyana haka ne a wajen bikin rantsar da runkunin farko na hadimai na musamman su 100,000 wanda ya gudana a mazaɓar Sanatan Ribas ta Gabas da ke Ƙaramar Hukumar Ikwerre a ranar Juma'a. Ya bayyana cewa, sakonni mara adadi da yake samu daga 'yan jihar dangane da neman muƙamin ya sa ya naɗa hadimai da yawa. Ya ce, jama'arsa na ganin ayyuka sun yi masa yawa don haka akwai buƙatar ya ba su dama su taya shi gudanar…

05 Nov

Gwamna Wike ya naɗa masu ba shi shawara 100,000 cikin sa’o’i 24

EditorLabarai

Daga MAHDI M. MUHAMMAD Gwamnan Jihar Ribas, Nyesom Wike ya ƙaddamar da masu ba da shawara na musamman sama da 100,000 kan harkokin siyasa a jihar. Hakan na ƙunshe ne a cikin wani sanarwa da gwamnan ya wallafa a shafin sada zumuntansa a ranar Alhamis, 3 ga Nuwamba, 2022. Gwamnan ya rubuta cewa, “a yau na ƙaddamar da kashin farko na mataimaka na musamman 100,000 kan harkokin siyasa na yankin Kudu maso Gabas da Ribas. Wannan dai shi ne karo na farko da wata gwamnatin Jiha ta naɗa irin waɗannan lambobi a Nijeriya duk da cewa ana maganar zaɓe ne.…

05 Nov

Kotu ta tabbatar da Uba Sani a matsayin ɗan takarar gwamnan APC a Kaduna

EditorLabarai

Daga MAHDI M. MUHAMMAD Babbar Kotun Tarayya da ke zamanta a Kaduna ta tabbatar da Uba Sani a matsayin wanda zai tsaya takarar gwamnan Jihar Kaduna a ƙarƙashin jam’iyyar APC a zaɓen 2023. Wani ɗan takarar gwamna, Sani Sha’aban ya garzaya kotu yana neman a soke Uba Sani a matsayin ɗan takarar gwamnan jihar Kaduna a ƙarƙashin jam’iyyar APC bisa zarginsa da tafka maguɗi a zaɓen fidda gwani da aka gudanar a watan Mayun 2022. A zaɓen dai an bayyana Uba Sani ne a matsayin wanda ya lashe zaɓen inda ya samu ƙuri'u 1,149. Sha’aban da wani ɗan takara Bashir…

05 Nov

Sauya fasalin Naira yana da matuƙar haɗari ga tattalin arzikin Nijeriya – Ministar Kuɗi

EditorLabarai

Daga SANI AHMAD GIWA a Abuja Ministar Kuɗi, Kasafi da Tsare-tsare, Zainab Shamsuna Ahmed, ta tabbatar da cewa shirin Babban Bankin Nijeriya (CBN) na sauya fasalin Naira yana da matuƙar haɗari ga tattalin arzikin ƙasar nan. Zainab, wacce ta bayyana haka a gaban kwamitin kuɗaɗe na Majalisar Dattawa a lokacin da take kare kasafin kuɗin ma'aikatar ta ranar Juma'a, ta jaddada cewa, shirin na CBN na sauya wasu takardun kuɗi, zai ƙara karya darajar Naira. “Masu girma sanatoci, CBN bai tuntuɓe mu a Ma’aikatar Kuɗi ba kafin ɗaukar wannan mataki na sauya wasu takardun Naira ba, don haka ba za…

05 Nov

An samu tashin gobara a wani sashen ginin hukumar NYSC a Abuja

EditorLabarai

Daga BASHIR ISAH Rahotanni sun nuna cewa, gobara ta ci wani sashe na ginin Babban Ofishin Kula da Harkokin 'Yan yi wa Ƙasa Hidima (NYSC) da ke Abuja. Bayanai sun ce iftila'in ya auku ne da safen ranar Juma'a. Daraktan yada labarai na ma'aikatar, Eddy Megwa ya tabbatar da faruwar lamarin. Ya ƙara da cewa, gobarar ta faru ne a hawa na uku na ginin benen mai hawa shida. Ya ce ba a samu asarar rai ba yayin gobarar, kuma wasu kayan aiki ne gobarar ta shafa.

05 Nov

Gwamnatin Buhari ta yi buris da batun komawar ASUU sabon yajin aiki

EditorLabarai

Daga AMINA YUSUF ALI Gwamnatin Buhari ta ja bakinta ta yi gum, bayan da ƙungiyar Malaman jami'o'i ta ASUU ta sake tsunduma wani sabon yajin aiki. Rahotanni sun bayyana cewa, ASUUn ta shiga wannan sabon yajin aikin ne sakamakon biyan 'ya'yan ƙungiyar rabin albashi a watan Oktoba da Gwamnatin Tarayyar ta yi. Wasu rahotannin sun sake bayyana cewa, gwamnatin ta biya ma'aikatan kuɗin kwanaki 18 kacal ne kawai da suka yi aiki a watan Oktoba. Idan za a iya tunawa, a ranar Juma'a 16 ga watan Oktoban 2022 ne dai ASUU ta janye dogon yajin aikin da ta tafi na…