Labarai - Manhaja - Blueprint Hausa version

31 Oct

Shirin ƙidaya: NPC ta ƙaddamar da shafin intanet don ɗaukar ma’aikata

EditorLabarai

Daga BASHIR ISAH Hukumar Ƙidaya ta Ƙasa (NPC), ta ƙaddamar da shafinta na intanet don ɗaukar ma'aikatan wucin-gadin da za su taya ta aikin shirin ƙidaya mai zuwa. Shugaban hukumar, Honarabul Nasir Isa-Kwarra ne ya jagoranci ƙaddamar da shafin a matsayin wani mataki na shirye-shiryen shirin ƙidaya 'yan ƙasa da hukumar za ta gudanar a Afrilun 2023. Yayin da yake jawabi a lokacin ƙaddamar da shafin ranar Litinin a babban ofishin hukumar da ke Abuja, Isa-Kwarra ya ce ma'aikatan da za a yi amfani da su wajen gudanar da shirin, za a zaɓo su ne daga mazauninsu. Ya ce dabarar…

31 Oct

Sake fasalin Naira zai sa masu garkuwa fara neman biyan fansa da Dala – Sheikh Gumi

EditorLabarai

Daga BASHIR ISAH Fitaccen malamin Islaman nan Ahmad Gumi, ya ce batun sake tsarin Naira zai sa 'yan fashin daji su fara neman a biya kuɗin fansa da Dalar Amurka kafin su sako waɗanda ke hannunsu. Haka nan ya ce, matakin tamkar karya tattalin arzikin ƙasa ne ga 'yan Nijeriya, musamman mazauna karkara. Don haka malamin ya ce ba ya tare da Babban Bankin Nijeriya (CBN) a kan wannan ƙudiri da ya sa gaba. Ya ƙara da cewa, kashi 80 na 'yan Nijeriya, musamman mautanen karkara, sun fi gane ma hada-hada da kuɗi a hannu. Cikin bayanin da ya fitar,…

31 Oct

Sojoji sun fatattaki mayaƙan ISWAP a Neja

EditorLabarai

Daga BASHIR ISAH Rahotanni daga Jihar Neja sun ce, sojoji sun fatattaki wasu 'yan ta'addar da ake zargin mayaƙan ISWAP ne a Jihar bayan yinƙurin da suka yi na neman kuɓutar da 'yan uwansu ya gamu da tasgaro. Bayanai daga jihar sun ce, 'yan ta'addar sun yi ƙoƙarin kutsawa inda ake tsare da wasu jagororinsu a yankin New Bussa don ƙwato su inda suka gamu da ajalinsu. Majiyarmu ta ce, da ma dai sojoji sun tsammaci zuwan 'yan ta'addar, wanda hakan ya sa suka yi musu kwanton-ɓauna. Majiyar ta ƙara da cewa, duk da dai lamarin ya faru ne cikin…

31 Oct

Da sanina CBN zai sauya tsarin Naira – Buhari

EditorBabban Labari, Labarai

Daga BASHIR ISAH Shugaban Ƙasa Muhammadu Buhari, ya ce da saninsa Babban Bankin Nijeriya (CBN) zai canza tsarin wasu takardun Naira. Buhari ya bayyana haka ne a wata tattaunawa da 'yan jarida Halilu Ahmed Getso da Kamaluddeen Sani Shawai suka yi da shi a ranar Lahadi a Abuja. Da yake amsa tambayoyi, Buhari ya ce ya gamsu kuma yana da yaƙinin ƙasa za ta amfana da sauyin tsarin kuɗin da CBN ya ƙudiri aniyar aiwatarwa. Ya ce dalilan da CBN ya gabatar masa dangane da sauyin tsarin kuɗin, sun gamsar da shi cewa, lallai tattalin arzikin ƙasa zai amfana da…

31 Oct

Yau Buhari zai gana da shugabannin tsaro

EditorLabarai

Daga BASHIR ISAH Yau Litinin ake sa ran Shugaban Ƙasa Muhammadu Buhari zai gana da shugabannin tsaro a Abuja don tattauna batutuwan da suka shafi tsaron ƙasa. Yayin ganawar, Shugaba Buhari zai karɓi bayanai daga jagororin tsaron kana ya yi tsokaci a ɓangarorin da ke buƙatar a bai wa muhimmanci. Tun farko, a wannan Litinin ɗin aka shirya a kan Buhari zai ƙaddamar da cibiyar kimiyya da fasaha ta NASENI amma sai aka ɗage sakamakon taron gaggawar da zai yi da masu ruwa da tsaki a fannin tsaro. Cikin sanarwar da ya fitar ranar Lahadi, mai magana da yawun Shugaban…

29 Oct

NNPC zai fara gyaran matatar mai ta Kaduna

EditorLabarai

Daga SANI AHMAD GIWA Gwamnatin Nijeriya ta amince ta ƙulla yarjejeniya da wani kamfani a Koriya ta Kudu da zimmar gyara matatar man fetur ta Kaduna da ke Arewacin ƙasar. Shugaban kamfanin mai na Nijeriya NNPC, Mele Kyari, shi ne ya saka hannu a madadin Nijeriya yayin taro kan harkokin lafiya da tawagar ƙasar ke halarta a Koriya ƙarƙashin jagorancin Shugaba Muhammadu Buhari. Sanarwar da NNPC ya wallafa a shafinsa na Tiwita ta ce nan gaba kaɗan za a fara zagayen duba gyaran da za a yi. A ƙarshen shekarar 2021 ne gwamnatin Nijeriya ta ware fiye da Dala biliyan…

29 Oct

Ƙungiyar ‘yan jarida a Yobe ta raba gari da gwamnatin jihar

EditorLabarai

Daga MUHAMMAD AL-AMEEN, Damaturu Ƙungiyar 'yan jarida (Yobe Correspondents' Chapel) a jihar Yobe, ta bayyana ɗaukar matakin raba gari da Gwamnatin Jihar Yobe ta hanyar ƙaurace wa ɗaukar dukkan labaran aikace-aikacen gwamnatin jihar. Ƙungiyar, a sanarwar bayan taron gaggawa wanda ta gudanar a ranar Jumma’a, 28 ga watan Oktoba, 2022 mai ɗauke da sa hannun Shugabanta da Sakatare; Ahmad I. Abba da Micheal Oshomah, sun bayyana ɗaukar matakin sakamakon cin zarafin da jami'an tsaron Gidan Gwamnati ke yi wa mambobinta. Ƙungiyar ta ce ɗaukar matakin ya zo ne sakamakon tursasawa tare da cin zarafin da jami’an tsaron Gidan Gwamnati ke…

29 Oct

Matatar man Ɗangote za ta fara samar da fetur ga Ƙasar Ghana

EditorLabarai

Daga SANI AHMAD GIWA a Abuja Ghana na jiran tsammanin fara aikin matatar man Dangote da za ta ragewa ƙasar matsalar wahalar makamashi. Shugaban Hukumar Kula da Man Fetur a Ƙasar Ghana, Mustapha Abdul-Hamid, ne ya bayyana hakan a kwanan nan. A cewarsa, ƙasar Ghana za ta rage shigo da kayayyakin mai daga kasashen Turai da sauran ƙasashen ƙetare. Shigo da kayayyakin man fetur daga ƙasashen waje na samar da nakasu da illa ga fannin makamashi a ƙasar Ghana saboda yadda ake tafiyar da harkokin mai a ƙasar. Ƙasar Ghana dai ta kasance daga jerin ƙasashen dake shigo da ɗanyen…

29 Oct

Gwamna Wike ya bada tallafin biliyan N2.1 ga jihohi huɗu yayin da jiharsa ke cikin ƙunci

EditorLabarai

Daga AMINA YUSUF ALI Gwamna Nyesom Wike na jihar Ribas ya ba da tallafi aƙalla Naira biliyan 2.1 ga jihohi Nijeriya guda 4 a cikin watanni 15 kacal. Rahotannin sun bayyana cewa, Gwamnan ya raba tallafi ne a tsakanin watan Janairun shekarar 2021 zuwa watan Oktoban 2022. A watan Janairun shekarar 2021 ne dai Wike ya ba da gudunmowar Naira miliyan ga takwaransa na jihar Sokoto, Aminu Tambuwal, don sabunta ginin Babbar kasuwar Sokoto wacce ibtilain gobara ya sabauta. A cikin watan Mayun dai shekarar dai ta 2021, gwamna Wike ya sake ba da gudunmowar wata Naira miliyan 600 a…

29 Oct

2023: Za mu haɗa kai da INEC don daƙile sayen ƙuri’u – EFCC

EditorLabarai

Daga SANI AHMAD GIWA a Abuja Hukumar Yaƙi da Cin Hanci da Rashawa a Nijeriya (EFCC), ta ce za ta ci gaba da haɗa kai da Hukumar Zaɓe Mai Zaman Kanta ta Ƙasa, INEC, domin daƙile ta'adar sayen ƙuri’u, musamman a lokacin babban zaɓen 2023. Shugaban Hukumar EFCC, Abdulrasheed Bawa ne ya bayyana haka a wata hira da manema labarai a Abuja jiya Alhamis, jim kaɗan bayan kare kasafin kuɗin hukumar na 2023 a gaban kwamitin majalisar dattawa kan yaƙi da cin hanci da rashawa. "Za mu ci gaba da yin abin da ya kamata mu yi, muna ƙoƙarin tabbatar…