Babban Labari - Manhaja - Blueprint Hausa version

01 Jun

Badaƙalar biliyan N200: Akanta Janar ya bayyana sunayen wasu a matsayin waɗanda ake zargi

EditorBabban Labari, Labarai

Daga MAHDI M. MUHAMMAD Badaƙalar da ta shafi Akanta Janar na Tarayyar Nijeriya da aka dakatar, Ahmed Idris na iya cinye wasu jami’an gwamnati yayin da Hukumar Yaƙi da yi wa Tattalin Arziki Tu’annati (EFCC) ta tsananta bincike. Rahotanni sun bayyana cewa, bisa sakamakon binciken da hukumar EFCC ta gudanar, jimillar kuɗaɗen da aka samu a cikin jerin badaƙalar hada-hadar kuɗaɗe da aka dakatar da Akanta Janar akansu ta kai Naira Biliyan 200 (N200,000,000,000). Idan za a iya tunawa cewa, jami’an EFCC sun kama Idris ne a ranar 16 ga Mayu, 2022 kan wasu zamba da aka fara tunanin Naira…

01 Jun

2023: Ku haɗa kanku don samar da nagartaccen shugabanci, kiran Buhari ga gwamnonin APC

EditorBabban Labari, Siyasa

Daga BASHIR ISAH Shugaban Ƙasa Muhammadu Buhari ya yi kira ga gwamnonin APC da su zamo madu kiyaye ƙa'idojin jam'iyya yayin zaɓen fidda gwani na APC mai zuwa. Buhari ya yi wannan kira ne yayin wata ganawa da ya yi da gwamnonin na APC su 22 haɗe da Shugaban APC na Kasa, Sanata Abdullahi Adamu, ranar Talata a fadar Villa da ke Abuja. Cikin wata sanarwa da ya fitar, mai magana da yawun Buhari, Femi Adesina, ya ce Shugaba Buharin ya ce, "Shirye-shiryen zaɓen 2023 sun kankama, kuma a sanina galibin nasarar jam'iyyun siyasa a sassan duniya ya danganta ne…

29 May

Zaɓen fidda gwani: Za mu kwatanta adalci a APC – Adamu

EditorBabban Labari

*Shugaban APC ya yi magana kan ɗan takarar masalaha da karɓa-karɓa*Dokar zaɓe na cigaba da kaɗa hantar gwamnoni*Yadda ta kaya a zaɓen fidda gwanin PDP a Borno da Yobe*Kada ku mayar da zaɓen fidda gwani na a-mutu-ko-a-yi-rai, inji Gwamna Masari Daga MAHDI M. MUHAMMAD A yayin da jam’iyyun Nijeriya za su ƙarƙare gudanar da zaven fitar da gwani na masu neman kujerar Shugaban Ƙasa a ƙarshen makon nan, Shugaban jam’iyyar APC na Ƙasa, Sanata Abdullahi Adamu, ya ce, jam’iyyar za ta yanke shawara kan batun shiyya-shiyya bayan ta tantance masu neman shugabancin ƙasar a 2023, ya na mai cewa, shugabannin…

29 May

Jirigin ƙasan Abuja-Kaduna: A gaggauta sako mana ’yan uwanmu, inji dangin waɗanda aka sace

EditorBabban Labari

Daga MAHDI M. MUHAMMAD Iyalai da dangin waɗanda ’yan bindiga su ka sace a hanyar jirgin ƙasan Abuja zuwa Kaduna sun bayyana damuwarsu akan irin halin da ’yan uwansu ke ciki a hannun masu garkuwar, inda suka ce a gaggauta a sako su. Sun bayyana hakan ne a cikin wata sanarwar da suka fitar cikin makon nan. Sanarwar ta ce, “a jiya, mun sami labari mai firgitarwa daga waɗanda suka sace fasinjojin jirgin Ak9 da suka taso daga Abuja ranar 28 ga Maris, 2022 da qarfe 6:10 na yamma zuwa Kaduna amma ba su kai ga inda aka nufa ba.”…

24 May

Aisha Buhari ta ziyarci Sakatariyar Jam’iyyar APC

EditorBabban Labari, Labarai

Uwargidan Shugaban Ƙasar ta yi ziyarar ce domin taya Sanata Abdullahi Adamu murnar zama shugaban jam'iyyar.

23 May

Zaɓen fidda gwani: APC ta ɗage zaɓen ‘yan takarar Shugaban Ƙasa, PDP ta shiga ruɗani

EditorBabban Labari, Siyasa

Daga BASHIR ISAH Jam’iyyar APC ta ɗage zaɓen fidda gwanin na ‘yan takarar Shugaban Ƙasa da ta shirya gudanarwa a ranar Litinin, 23 ga Mayun 2022, tare da cewa za ta sanar da sabon lokaci nan gaba. Duk da dai jam’iyyar ba ta ba da dalilin ɗage zaɓen ba, amma ba wannan ne karon farko da APC ta sauya jadawalin zaɓen fidda gwanin nata ba dangane da shirye-shiryen zaɓen 2023. Sanarwar da ta nuna ɗage zaɓen ta ce, “An ɗage shirin tantace ‘yan takarar Shugaban Ƙasa da aka shirya gudanarwa a ranar Litinin, 23 ga Mayun 2022. “Za a sanar…

22 May

Janar Yahaya: Sai da hannun farar hula tsaro zai dawo

EditorBabban Labari

Daga SANI AHMAD GIWA a Abuja A daidai lokacin da matsalar tsaron Nijeriya ta ƙi ci ta ƙi cinyewa, duk da ƙoƙarin da jami'an tsaron ƙasar ke cewa suna yi, Babban Hafsan Sojojin Ƙasan Nijeriya, Laftanar Janar Faruq Yahaya, jiya Alhamis a wajen wani taron ƙarawa juna sani, ya bayyana cewa dole ne jami'an tsaro su haɗa ƙarfi da ƙarfe da ƙungiyoyin fararen hula da sauran 'yan ƙasa a yaƙin da suke yi da 'yan ta'adda. Wakilinsa, Babban Hafsan Soji, Manjo-Janar Marcus Kangye, ya karanta saƙon Yahaya a wajen taron ƙara wa juna sani ga mahalarta kwas mai lamba 62022…

21 May

Yau Zamfara za ta karɓi baƙuncin Osinbajo

EditorBabban Labari

Daga SANUSI MUHAMMAD, a Gusau Gwamnatin jihar Zamfara da Jam’iyyar APC reshen jihar sun shirya tsaf domin tarbar Mataimakin Shugaban Ƙasa, Yemi Osinbajo a wani ɓangare na rangadin da yake yi a jihohi. A yayin ziyarar tasa, ana sa ran Osinbajo zai gana da wakilan jihar da sarakuna 19 da ma Gwamnan Jihar, Bello Mohammed Matawalle. Jaridar Blueprint Manhaja ta ruwaito cewa, an baza jami’an tsaro daban-daban a sassan Gusau, babban birnin jihar domin tabbatar da ziyarar da Mataimakin Shugaban Ƙasar zai yi an kammala ta cikin kwanciyar hankali. Ana sa ran Osinbanjo ya isa Gusau da ƙarfe 2:30 na…

15 May

An ƙone matashiyar da ake zargi da ɓatanci ga Annabi a Sakkwato

EditorBabban Labari

-A kai zuciya nesa, cewar Majalisar Sarkin Musulmi-Mun rufe kwalejin har illa masha Allahu – Gwamnati-’Yan sanda sun kama mutum biyu Daga AMINU AMANAWA a Sakkwato Matasa sun ƙone wata matashiya da ake zargi da yin ɓatanci ga Fiyayyen Halitta, Annabi Muhammadu (SAW), a Kwalejin Ilimi ta Shehu Shagari da ke Sakkwato, lamarin da ya tilasta wa gwamnati rufe kwalejin ba tare da bayyana ranar da za a koma karatu ba. Ɗaruruwan ɗalibai da wasu mata sun gudanar da zanga-zanga tare da ciro wacce ake zargin daga maɓoyar da hukumomin makaranta suka ɓoye ta, inda suka kashe tare da ƙone…

12 May

Buhari ya roƙi ASUU ta janye yajin aikinta

EditorBabban Labari

Daga BASHIR ISAH Shugaban Ƙasa Muhammadu Buhari, ya miƙa roƙonsa ga Ƙungiyar Malaman Jami'o'i (ASUU) a kan ta janye yajin aikin da take yi sannan ta rungumi sulhu tsakaninta da Gwmanatin Tarayya. Haka nan, Buhari ya buƙaci ɗaliban da lamarin ya shafa su ƙara haƙuri da lamarin Gwamnatin Tarayya, kana ya hore su da kar su saka kansu cikin dukkan wani hali da ka iya zama barazana ga zaman lafiyar ƙasa. Buhari ya yi wannan roƙon da kiran ne a wajen taron karramawa na ƙasa da ya gudana a Babban Zauren Taro na Fadar Shugaban Ƙasa da ke Abuja a…