ukarofi

Daga ABDULLAHI MUHAMMAD a Katsina Mai ba gwamnan Jihar Katsina shawara kan ayyukan ƙananan hukumomi, Hon. Lawal Rufa'i Safana, ya bayar da umarnin soke kwangilar aikin gina gidajen .alaman asibitocin mataki na farko (PHCs) da ake gudanarwa a ƙananan hukumomin Funtua da Sabuwa, dalilin rashin bada himma ga aikin kwangilar da nuna ko in kula ga aiki da ɗan kwangilar ke nunawa bayan ya karɓi kuɗin somin taɓi tun ƙarshen shekarar 2025. Haka kuma ya bai wa ɗan kwangilar da ke gudanar da irin wannan aiki a ƙaramar hukumar Dandume wa'adin sati biyu kacal da ya kammala aikin tare da…

Daga IBRAHIM HAMISU a Kano Ƙungiyar wakilan kafofin yaɗa labarai ta Kano (Kano Correspondents' Chapel) ƙarƙashin ƙungiyar 'yan jarida ta Najeriya (NUJ), ta bayyana cewa mambobinta sun amfana da tallafin walwala da kuma shirye-shiryen taimakon kuɗi a cikin shekara guda da ta gabata, yayin da shugabancin ƙungiyar ya gabatar da rahoton ayyukansa, wanda ya ƙunshi nasarorin da aka samu a fannin walwalar mambobi, bunƙasa ƙwarewar aikin jarida da kuma gyaran tsarin gudanarwa. Shugaban ƙungiyar, Murtala Adewale, ne ya gabatar da rahoton a yayin taron gabatar da rahoton shekara ɗaya da kuma bikin cika shekara guda na shugabancinsa, wanda aka gudanar…

Daga ABDULLAHI MUHAMMAD a Katsina Yan sanda a Katsina sun samu nasarar kama wani mai suna Ibrahim Usman ɗan shekara 37 da haihuwa yana ɗauke da tabar wiwi. Kamar yadda jami'in hulɗa da jama'a DSP Abubakar Sadiq Aliyu ya fitar da sanarwa,an kama wanda ake zargi ɗauke da tabar wiwi a dunƙule har guda 28 a kan Iyakar Mashi zuwa Birnin Kuka a ƙaramar hukumar Mashi. A yayin gudanar da bincike ya shaida wa yan sanda cewa yana da niyar kaiwa sassa daban na jihar Katsina domin sayarwa, DSP Sadiq ya ce. Yanzu haka yan sanda na cigaba da bincike…

Daga SANUSI MUHAMMAD a Gusau ‘Yan bindiga masu ɗauke da makamai sun kashe manoma biyu da safiyar yau Talata bayan sun kai hari garin Faru da ke ƙaramar hukumar Maradun ta Jihar Zamfara. Wani mazaunin yankin da ya nemi a sakaya sunansa ya shaida wa wakilinmu cewa maharan sun kutsa garin da sassafe yayin da manoma ke shirin zuwa gonakinsu sannan suka fara harbe-harbe a sama. "Sun kewaye garin da safe yayin da manoma ke zuwa gonakinsu suka fara harbi a sama," mazaunin ya ce. Mutane biyu da aka kashe a harin. Mazaunin yankin ya bayyana waɗanda aka kashe da…

Daga SANUSI MUHAMMAD a Gusau. Kotun Tarayya da ke zama a Gusau a ranar Talata ta ci gaba da sauraren ƙarar da Dr. Sani Abdullahi Shinkafi ya shigar, inda yake ƙalubalantar sakamakon zaɓen fidda gwani na jam’iyyar All Progressives Congress, APC, na mazaɓar Sanatan Zamfara ta Arewa. A cikin ƙarar, Dr. Shinkafi yana neman kotun ta soke zaɓen fidda gwanin da ta ayyana Sanata Sahabi Ya’u Ƙaura a matsayin wanda ya yi nasara. Dr. Shinkafi ya maka hukumar zaɓe mai zaman kanta ta ƙasa, INEC, da jam’iyyar APC don neman haƙƙin sa. Dr. Shinkafi ya zargi cewa ba a gudanar…

Daga ABDULLAHI MUHAMMAD a Katsina 'Yan sanda sun daƙile yunƙurin kai hare haren 'yan bindiga a ƙananan hukumomin Funtua da Musawa tare da ceto shanu guda 15. Sanarwa ɗauke da sa hannun jami'in hulɗa da jama'a na rundunar 'yan sanda a Katsina DSP Abubakar Sadiq Aliyu ya fitar,ofishin 'yan sanda na garin Funtua sun sami bayanin sirri na wucewar 'yan bindiga da shanu da ake zargi na sata ne suna kan iyakar Funtua zuwa Dandume. DSP Sadiq ya ce nan take DPO na ofishin da ke Funtua shi da jami'an sa suka fatattaki 'yan bindigan. Yan sandan sun sami nasarar…