Labarai

Daga BASHIR ISAH Gwamnatin Tarayya tare da haɗin gwiwar Gwamnatin Jihar Nasarawa sun shirya yin aiki tare domin kare yankuna masu arzikin zinari a jihar Nasarawa da kuma kare iyakokin Abuja da Nasarawa. Ministan Bunƙasa Ma'adinai, Architect Olamilekan Adegbite, shi ne ya bayyana hakan sa'ilin da ya karɓi baƙuncin Gwamna Abdullahi Sule a ofishinsa da ke Abuja a Talatar da ta gabata. A cewar Ministan Gwamnatin Tarayya ta kashe maƙudan kuɗaɗe har biliyan N15 kan harkokin ma'adinai a sassan ƙasa ƙarƙashin shirinta na aikin binciko inda arzikin zinari yake a Nijeriya inda ta gano hakan tsakanin Jihar Nasarawa da Abuja.…

Daga WAKILINMU Shugaban Hukumar Yaƙi da sha da Fataucin Miyagun Ƙwayoyi ta Ƙasa (NDLEA) Janar Muhammadu Buba Marwa, ya ce aƙalla mutum miliyan 4 da rabi ke mu’amala da miyagun ƙwayoyi a birnin Legas, abin da ke nuna ƙaruwar matsalar da ta addabi ƙasa baki ɗaya. Yayin da ya ke ziyarar gani da ido tun bayan naɗa shi a matsayin shugaban hukumar, Marwa ya bayyana birnin Legad a matsayin jihar da ake samun kashi 30 na masu amfani da miyagun ƙwayoyin. Ya ce daga cikin mutane miliyan 15 da aka yi ƙiyasin suna mu‘amala da miyagun ƙwayoyin wajen sha da…

Gwamnonin Kano, Katsina, Yobe, Jigawa, Zamfara, Kebbi, Sokoto da kuma Ministan Abuja, yayin ƙaddamar da babbar hanyar Murtala Muhammad wadda aka sake wa suna zuwa sunan Shugaban Ƙasar Nijar, Muhammadu Yusufu a Abuja.

Daga FATUHU MUSTAPHA Shugaban Ƙasa Muhammadu Buhari ya yi kira ga gwamnan jihar Imo, Hope Uzodinma, da ya ɗore da ayyukan cigaba da gwamnatinsa ke yi don kyautata rayuwar talakawan jiharsa. Talatar da ta gabata Shugaba Buhari ya yi wannan kira, tare da yaba ƙoƙarin Gwamna Uzodinma na kammala tarin ayyukan cigaba a tsakanin shekara guda. Buhari ya yi kalamansa ne ta bidiyo yayin ƙaddamar da wasu hanyoyi guda biyu a garin Owerri, babban birnin jihar waɗanda aka kammala aikinsu cikin shekara guda da gwamnan ya yi kan mulki. Buhari ya jinjina wa gwaman dangane da kammala hanyar Assumpta Cathedral…

Daga AISHA ASAS Rundunar 'yan sanda a jihar Anambra, ta ce ta gano wani gida da ake yi zargin ana safarar jarirai a cikinsa a Nnewi cikin ƙaramar Nnewi ta Arewa a jihar. Jami'in Hulɗa da Jama'a na Rundunar, CSP Haruna Muhammed ne ya bada sanarwar haka, yana mai cewa wadda ake zargin ita ce mai masana'antar jariran, Ms Gladys Nworie Ikegwuonu ta tsere sannan an kuɓutar da 'yan mata masu juna-biyu su huɗu. Jami'in ya ce sun yi nasarar kama wasu mutum biyu da ake zargin suna da alaƙa da harƙallar. Ya ci gaba da cewa sun gano masana'antar…

Mahaifin Dr. Ngozi Okonjo-Iweala, Farfesa Chukuka Okonjo, ya rasu. Marigayin ya bar duniya yana da shekara 91. Dr. Ngozi ita ce wadda a kwannan nan aka naɗa a matsayin sabuwar Shugabar Hukumar Cinikayya ta Duniya (WTO).

Daga AISHA ASAS Gwamnan jihar Sakkwato Aminu Tambuwal, ya bayyana aniyarsa ta gina Makarantun Sakandare irin na zamani guda arba'in a sassan jiharsa. A wata sanarwa da ya fitar, Tambuwal ya nuna ilimi shi ne ƙashin bayan cigaba a cikin kowace al'umma. Ya ce ayyukan da gwamnatinsa ta sa gaba wajen inganta fannin ilimin jihar, da suka haɗa da yi wa makarantun firamare 1,500 da ƙananan sakandare 180 kwaskwarima, wata alama ce da ke nuni da yadda gwamnatinsa ta ɗauki fannin ilimin jihar da muhimmancin gaske. Kazalika, ya ce gwamnatinsa ta damu da batun yaran da ba su tafiya makaranta…