Labarai

Daga WAKILINMU Gwamnatin Tarayya ta amince ta soma bai wa ma'aikatanta magidanta hutun jego na kwana 14 a duk lokacin da matansu suka haihu. Shugabar ma'aikatan gwamnati ta ƙasa, Dr Folasade Yemi-Esan ce ta bayyana haka cikin sanarwar da ta fitar ranar Litinin. Sanarwar ta ce bai wa ma'aikatan hutun jegon daidai yake da tanade-tanaden Kundin Dokokin Ma'aikatan Gwamnati na 2021. Gwamnati ta ce hutun na kwanakin aiki 14 ne amma ban da ranakun Asabar da Lahadi, kuma sau ɗaya a cikin shekara biyu. Yemi-Esan ta ce, sanarwar hakan ta fara aiki ne daga ranar 25 ga Nuwamban 2022.

Daga WAKILINMU Gwamnan Jihar Kano, Abdullahi Ganduje, ya haramta zirga-zirgar adaidaita-sahu a wasu manyan titunan Kano. Hukumar Kula da Ababen Hawa ta Kano (KAROTA), wannan doka za ta fara aiki ne daga ranar Laraba, 30 ga Nuwamba. Bayanin hakan na ƙunshe ne cikin sanarwar da ta fito ta hannun mai magana da yawun hukumar KAROTA, Nabilusi Na’isa, wanda aka raba wa manema labarai ranar Talata. Titunan da aka haramta wa ’yan adaidaita-sahun bi sun haɗa da Babbar Hanyar Ahmadu Bello, hanyar Mundubawa zuwa Gazawa da kuma hanyar Tal’udu zuwa Gwarzo. Gwamnatin jihar ta maye gurbin adaidaita-sahun da motoci bas-bas guda…

Daga BASHIR ISAH Kwamishina a Hukumar Kula da Harkokin ’Yan Sanada (PSC), Najatu Mohammed, ta yi kira da a hukunta matar Shugaban Ƙasa, Aisha Buhari, kan badaƙalar kamawa da gana wa Aminu Mohammed azaba da jami’an tsaro suka yi. Da kuma kama tsohuwar hadimar Aisha Buhari kan soshiyal midiya, Zainab Kazeem wadda ita ma aka lakaɗa mata duka kan zargin fallasa sirri. Aminu Mohammed matashi ne kuma ɗalibi a Jami’ar Tarayya da ke Dutse, Jihar Jigawa. Najatu ta faɗa wa jaridar Daily Nigerian cewa abin da Aisha ta yi ɗaukar doka ne a hannu, don haka ta buƙaci jami’an tsaro…

Daga MAHDI M. MUHAMMAD Ƙungiyar ɗalibai ta Ƙasa (NANS) ta nemi afuwar uwargidan shugaban ƙasa Muhammadu Buhari, Aisha kan tsare wani ɗalibin jami’ar tarayya da ke Dutse Jigawa, Aminu Mohammed da jami’an ’yan sanda suka yi. Idan za a iya tunawa cewa, Hukumar SSS ta ce ta kama Aminu kan wani rubutu da ta wallafa a shafinsa na sada zumunta na yanar gizo da ta yi zargin ɓata sunan uwargidan shugaban Nijeriya, Aisha Muhammadu Buhari. A cewar rahotanni, Aminu Adamu Muhammed ya yi a watan Yunin 2022, inda ya wallafa a shafinsa na Tiwita cewa ‘Buhari ta ƙara nauyi sosai…

Daga WAKILINMU Babbar Kotun Tarayya mai zamanta Abuja, ta tura Sufeto-Janar na 'Yan Sanda, Usman Alkali Baba, zuwa kurkuku na wata uku. Kotun ta yanke wa Baba hukuncin ne saboda rashin bin umarninta. Da yake yanke hukuncin, Alƙalin Kotun, Mai Shari'a M. O. Olajuwon, ya ba da umarnin a ajiye Sufeto-Janar ɗin na tsawon wata uku har sai ya yi ɗa'a ga umarnin da da kotu ta ba tun ran 21 ga Oktoban 2011. Alƙalin ya ce idan bayan ƙarewar wata uku Baba bai aikata abin da ya kamata ba, za a sake tsare shi zuwa wani lokaci har sai…

Wani matashi ya yi ƙarar iyayen budurwarsa a gaban Babbar Kotun Shar’iar Musulunci da ke Hotoro a Kano yana neman kotun ta hana su aurar da ita ga wani matashi daban. Tunda farko matashin mai suna Imam Mukhtar Dala ya yi ƙarar budurwarsa Muhasin Auwal Dala da mahaifinta A.A. Dala da kakanta Sani Mai Alawayyo da kuma aminin babanta, Alhaji Audu, inda ya nemi kotu ta dakatar da auren da ake ƙoƙarin yi wa Muhasin ɗin saboda shi ne ya yi hidimar da zai aure ta. Haka kuma ya nemi a hana Muhasin Dala zuwa wurin kowane mutum don ɗaura…

Daga WAKILINMU Gwamnatin Nijeriya ta shawarci ’yan ƙasar da su zama masu kula da kayansu sosai duk lokacin da suka tashi tafiya zuwa ƙasashen Amurka da Birtaniya da sauransu, gudun faɗawa tarkon barayi. Ministan Yaɗa Labarai da Al’adu, Lai Mohammad ne ya yi wannan gargaydi ran Litinin a Abuja. Ministan ya ce abin damuwa ne ganin yadda ’yan Nijeriya masu zuwa Amurka da Birtaniya da sauransu, ke faɗawa tarkon ɓarayi inda suke sace musu kudi fasfo. Ya ce, “Waɗanda abin ya shafa a baya-bayan nan su ne waɗanda suka tafi Birtaniya wanda akasarinsu aka sace musu kayayyakinsu a manyan shaguna,…

Wani ɗan banga ya baƙunci lahira a yayin da yake gwada maganin bindiga a Jihar Adamawa. Magidancin da ya sha maganin bindiga ya ɗora bindigarsa ce a cikinsa sannan ya tursasa wa ɗansa mai shekara 19 ya harba ta. Harba bindigar da ɗan ya yi ke da wuya ta tashi da mahaifin, ta kuma yi sanadiyyar mutuwarsa. Kakakin ’yan sanda na Jihar Adamawa, SP Suleiman Yahaya Nguroje, ya shaida wa manema labarai cewa lamarin ya faru ne ranar Alhamis a Ƙaramar Hukumar Jada ta jihar. Jami’in ya ce, su na gudanar da bincike kuma duk wanda ke da hannu a…

Daga BASHIR ISAH Ƙungiyar kare haƙƙin ɗan Adam ta Amnesty International, ta yi kira da a gaggauta sako ɗalibin nan na Jami'ar Tarayya da ke Dutse, Aminu Adamu Muhammed, wanda jami'an tsaro suka kama shi don ya soki matar Shugaban Ƙasa, Aisha Buhari. Rahotanni sun ce, jami'an tsaron da ake zargin DSS ne suka damke matashin a ranar 8 ga Nuwamban2022 biyo bayan wasu kalamai da ya wallafa a shafinsa na Tiwita a kan Aisha Buharin. Saƙon da Muhammad ya wallafa a wannan rana ya nuna hotunan Aisha a yanayi na can baya da kuma yanzu, inda ya rubuta, "su…

Daga WAKILINMU Mahaifiyar ɗaya daga cikin ɗaliban Sakandiren Gwamnati a Yauri da aka yi garkuwa da su lokutan baya, ta rasu. Majiyarmu ta ce, takaicin sanin 'yarta na ɗauke da cikin masu garkuwar na daga cikin dalilan da suka yi ajalin matar. Majiyar ta ƙara da cewa, ana kyautata zaton mahaifiyar ta kwanta dama ne saboda tsananin damuwa da ta shiga sakamakon cikin da 'yan bindigar suka yi wa 'yarta bayan da suka yi garkuwa da ita. Yarinyar da lamarin ya shafa na ɗaya daga cikin ɗaliban makarantar su 11 da suka rage a hannun 'yan bindigar daga cikin ɗalibai…