Adabi - Manhaja - Blueprint Hausa version

09 Jul

Marubuci tamkar likita ne, yana duba cutar da ta shafi zamantakewar al’umma – Jibrin Yusuf Kaila

ukarofiAdabi

"Abin takaici ne yadda marubuta ke amfani da fasahar AI wurin ƙirƙiro labari" Daga JIBRIN YUSUF KAILA A kowanne zamani ana samun cigaba ta fannoni daban-daban a ɓangaren rubutu ko a rayuwar marubuta, wanda silar hakan ke bada damar haɓɓaka adabi a rayuwar ɗan'adam. Kodayake wani lokaci cigaban na zuwa ne ta fuskoki daban-daban, akwai amfani da rashin sa. Ga mai nazari da kuma lura zai fahimci cewa, kafin marubuci ya fara cin moriyar rubutun da yake yi, yana buƙatar amfani da wasu abubuwa da dama. Daga ciki, akwai bincike da nazari. Lallai kowanne cikakken marubuci ya yi nazari kan…

02 Jul

Shin me ye laifin ƙin auren marubuciya?

ukarofiAdabi

Marubuci:JIBRIN YUSUF KAILA A kowanne zamani da al'umma, akwai makusantan hanyoyin da ake bi don bayyana tunani, gyara rayuwa da fahimtar juna. ɗaya daga cikin waɗannan hanyoyi kuwa ita ce rubutu. Arewacin Najeriya ya shahara da marubuta da dama, amma abin takaici, har yanzu ana kallon mace marubuciya da wani irin ido na zargi, wulaƙanci ko kuma tsoro. A wannan muƙala, zan yi sharhin matsin lamba da tozarci da ake yi wa mata marubuta a Arewa da yankin Hausawa da fulani har da ƙasashen Hausawa kamar su Niger, Camero, Chadi da sauran yanki da ake jin Hausawa. Da kuma bayyana…

25 Jun

Rubutu gaba ɗayansa hanya ce ta taskace ilimi – Nasiba Babale

ukarofiAdabi

"Waƙoƙi na sa mutum ya magance matsalar kaɗaici da damuwa" Daga ABBA ABUBAKAR YAKUBU A wannan makon shafinku mai farin jini na Adabi ya zanta da wata fitacciyar marubuciyar waƙoƙin turancin nan, ýar Jihar Kano, Nasiba Babale, shugabar ƙungiyar Poetic Wednesday, ƙungiyar da ta tara ɗimbin matasa masu basira da kishin rubuce-rubucen adabi cikin harshen turanci da Hausa. A zantawar da suka yi da wakilin Blueprint Manhaja, Abba Abubakar Yakubu, Nasiba wacce ma'aikaciyar lafiya ce a Babban Asibitin Koyarwa na Malam Aminu Kano, ta bayyana irin ƙalubalen da marubutan waƙoƙi na zamani ke fuskanta da hanyoyin magance su. Za ku…

18 Jun

Tun ina makarantar firamare na fi sauran ɗalibai iya karatun litattafan Hausa – Maryam Turau

ukarofiAdabi

"Zama marubuci hanyace mai sauƙi idan har da sha'awa" Daga UMAR GARBA, a Katsina Maryam Nuhu Turau kallabi ce tsakanin rawuna duba da cewa ta yi fice a zahiri da kuma kafafen sada zumunta na zamani, saboda kasancewarta marubuciya, 'yar kasuwa kuma mai bai wa matasa shawara akan su nemi na kansu. Ta kuma kasance uwa wadda ta kafa ɗaya daga cikin manyan ƙungiyoyin marubuta a arewacin ƙasar nan. Wakilin Blueprint Manhaja a Katsina, Umar Garba ya tattauna da Maryam Nuhu Turau a kan batutuwan da suka shafi harkar rubutu, kasuwanci, shawara ga matasa, ƙalubalen da ta fuskanta kafin ta…

11 Jun

Alƙalan gasa na duba abubuwa da dama wajen nazarin ingancin labari – Sulaiman Ibrahim

ukarofiAdabi

"Kana ƙara karatu hikimarka na ƙara faɗi a kan yadda ya kamata ka yi rubutu" Daga IBRAHIM HAMISU, Kano Idan ana maganar gogewa da ƙwarewa a harkar rubutun littafi da kuma aikin jarida, dole a ambaci sunan Sulaiman Ibrahim Katsina, wanda littafin da ya rubuta na 'Turmin Danya' ya lashe kyautar littafin da ya fi kowane inganci a Nijeriya a cikin shekaru 41 da ta gabata. A zanyawarsa wakilin Blueprint Manhaja a Kano, Ibrahim Hamisu, mai karatu zai san ko wane ne marubucin littafin 'Turmin ɗanya', tun daga tarihinsa, zuwa gwagwarmayar da aka yi, da kuma nasarorin da ya samu…

04 Jun

Taron ƙaddamar da littafin ‘Sirrin Mace Musulma’ ya ƙara farfaɗo da harkar adabin Hausa

ukarofiAdabi

Daga MUKHTAR YAKUBU A daidai lokacin da ake ganin harkar rubutun littattafan Hausa tana samun koma baya sakamakon yadda kasuwar littafin take durƙushewa sai ga shi ana samun wasu masu kishin Hausa da ci gaban adabin suna iya ƙoƙarin su domin ganin harkar ba ta kai ga durkushewa ba. Fatima Aminu Alhassan Kabo tana ɗaya daga cikin mata da suka tsaya tare da jajircewa wajen samar da littattafai a wannan lokacin, bisa ƙoƙarin ta na samar da littafin da zai koyar tare da faɗakar da al'umma abin da ya shafi zamantakewar rayuwar aure musamman mata a wannan lokacin. Don haka…

04 Jun

Sharhin littafin ‘Sirrin Mace Musulma’

ukarofiAdabi

Daga IBRAHIM MUHAMMAD INDABAWA Sunan Littafi: Sirrin Mace Musulma Marubuciya: Fatima Aminu Alhassan Kabo Shekarar Bugawa: 2025 ISBN: 978-978-778-685-7 Maɗaba’a: AGF MULTIMEDIA Yawan Shafuka: 226 Mai Nazari: Ibrahim Muhammad Indabawa GABATARWA Sirrin Mace Musulma littafi ne da marubuciyar ta rubuta shi don tunatar da jama’a musamman mata, dangane da muhimman haƙƙoƙin da suka rataya a wuyansu a rayuwarsu ta duniya. Ta tsara shi a bisa zubin babi-babi, wanda suka shafi ibada, mu’amala ko zamantakewa, kiwon lafiya, girke-girke da kuma koyon sana’o’i. Sannan sai ta ɗauki kowanne fanni ta yi wadataccen bayani a kai. Har ila yau marubuciyar ta ƙawata littafin…

28 May

Chinua Achebe: Marubucin da ya koya wa duniya yadda Afirka ke magana

ukarofiAdabi

Abinda ya sa Chinua Achebe ya wuce kowa a tarihin marubutan Afirka Daga AISHA ASAS Marubucin da ya canza yanayin adabin duniya: A duk lokacin da tarihin adabi ke tasowa daga duhu zuwa haske, to akwai wani abu da ke kasancewa jigon samun cigaban sa. Wannan canjin zai samu ne daga muryar da ba ta yi ƙarya ba, muryar da ta tsaya bisa gaskiya, da murya da ta farkar da alƙalami daga makarar barci. A cikin adabin Afirka, babu murya da ta yi amo kamar ta Chinua Achebe, marubucin da ya zamo ginshiƙin sabuwar rayuwa ga adabin nahiyar, kuma ya…

21 May

William Shakespeare: Marubucin da bai taɓa mutuwa ba a Adabin Ingilishi

ukarofiAdabi

Zan fi zaɓar in kasance da gaskiya fiye da in birge mutane - Shakespeare “Komai yana da lokacinsa, kuma duk abin da ke faruwa yana faruwa bisa dalili” Daga AISHA ASAS A cikin tarihin adabin duniya, babu wani suna da ya fi girma da ƙayatarwa fiye da William Shakespeare. An san shi da ƙwarewa mai zurfi a fagen rubuce-rubuce, wasan kwaikwayo, da waƙa, inda ya haifar da wani gagarumin sauyi a harshen Ingilishi da kuma yadda ake fahimtar ɗabi'ar ɗan adam. Shakespeare ba kawai marubuci ba ne, domin ya kasance wani ginshiƙi ne da ya sauya fasalin adabi gabaɗaya. Rubuce-rubucensa…

14 May

Alamomi 40 na da’irar ‘Adabin Kasuwar Kano’

ukarofiAdabi

Daga IBRAHIM SHEME Ibrahim Malumfashi ne ya ƙirƙiro kalmar "Adabin Kasuwar Kano", wanda da yawan marubuta da manazarta (ciki har da ni) su ka ɗauka ƙasƙantarwa ce. Mun shafe shekaru mu na yaƙi da Farfesa Malumfashi kan wannan kalmar, kafin kowannen mu ya aje makamin sa (wato biro) a gefe ɗaya, domin duk abin da za a ce, an ce, kuma duk abin da za a yi, an yi. Na jima ina tunanin waɗanne ne alamomin littafin irin wannan adabin? To, bayan na gama tunani na, a cikin 2014 na lissafa su. Wani abu da na gano shi ne yawancin…